ராஜ் பன்னீர் செல்வம்

"திருவாரூர்ப் பிறந்தார்கள் எல்லோர்க்கும் அடியேன்" என்ற தம்பிரான் தோழர் சுந்தரர் சொல்லால் உந்தப்பட்டு, ஆரூர் அமர்ந்த அரசனை, தியாகராஜனை நேரில் காண காதல் கொண்டிருந்தேன். அப்படியான சூழலில் திருவாரூர் கோவில் பற்றி அறிந்த கொள்ளத் தேடியபொழுது கிடைத்ததே இந்த "திருவாரூர்த் திருக்கோவில்" என்னும் ஆவணம். வரலாற்றுத் தளத்தில் பயணிக்கும் எவரும், இந்த நூலாசிரியரான திரு குடவாயில் பாலசுப்பிரமணியன் அவர்களை அறியாதவர் இல்லை என்றே சொல்லலாம். ஆய்வு நோக்கில் திரு குடவாயில் பாலசுப்பிரமணியனின் இந்தப் படைப்பு ஆரூர்க் கோவிலின் விலைமதிப்பில்லா ஆவணம். இந்த நூல் மூலம் ஆசிரியர் வழியிலே பயணித்து ஆரூர்த் தியாகராஜரை அறிந்து கொள்வோம்.