அரவான் மகாபாரத காப்பியத்தில் வருகின்ற ஒரு பாத்திரம். “அரவான்” இரவன் இராவத் இராவந்த் என்றும் அறியப்படுகிறார். அரவான் திரௌபதி வழிபாட்டு மரபில் முக்கியப்பங்கு வகிப்பவர். கூத்தாண்டவர் என்பது அரவானுக்கு வழங்கப்படும் பொதுவான பெயராகும். அரவான் என்பது தமிழ்ப் பெயர். இது அரவு (பாம்பு) என்ற சொல்லிலிருந்து உருவானதாகும். கூத்தாண்டவர் பற்றிய செய்திகள் வாய்மொழிச் செய்திகளாகவும் எழுத்துவழிச் செய்திகளாகவும் உள்ளன. அரவாணிகளின் சமய விழா என்று சொல்வோமானால் கூத்தாண்டவர் திருவிழாவையே கூறலாம். இது வருடந்தோறும் சித்திரை மாதத்தில் நிகழக் கூடியது. கூவாகம், பிள்ளையார்குப்பம் போன்ற இடங்களில் இத்திருவிழா மிகவும் சிறப்பாகக் கொண்டாடப்படுகிறது. பம்பாய், கல்கத்தா, டில்லி, மும்பை போன்ற வட மாநிலங்கள் மட்டுமல்லாமல் இந்தியா முழுவதும் உள்ள அரவாணிகள் இதில் பங்கு பெறுகின்றனர்.
