நவீன மொழியியல் அதன் அடிப்படைக் கருதுகோள்களை சசூர், ப்ளூம்பீல்ட், சபிர், டிருபிட்ஸ்கி, ஜேக்கப்சன், லூயிஸ் ஜெல்ம்ஸெவ், நாம் சாம்ஸ்கி, ஹாலிடேபைக் முதலிய சிந்தனையாளர்களின் கருத்துக்களை ஒட்டி உருவாக்கிக் கொண்டுள்ளது. இன்றைய மொழியியல் பொதுவாக செயல்முறை மொழியியல் (applied linguistics) என்று அழைக்கப்படுகிறது. ’மொழி எப்படி இருக்க வேண்டும்’ என்பதற்குப் பதிலாக ’மொழி எப்படி இயங்குகிறது’ என்பதுதான் இதன் கேள்வி. மொழியியல் மொத்தக் கலாச்சார இயக்கத்தையும் கணக்கில் கொண்டு பேச வேண்டியுள்ளது. ஏனெனில் மொழியே அனைத்து ஞானத்திற்கும் விளைநிலமாகவும், பின்னணியாகவும், சேமிப்புக் கிடங்காகவும் உள்ளது.
